Abante, May 14, 2010
By:Edwin Balasa
Ligtas na ang mga tripulante ng sumadsad na cargo vessel matapos ang mabilis na responde ng Naval Forces Southern Luzon kahapon ng umaga sa isang isla sa Masbate.
Dakong alas-sais ng umaga nang sumadsad ang MV Pacific Cruiser na pag-aari ng Galaxy Transportation sa Magcaragit Island sa nasabing lalawigan. Ang nasabing cargo vessel ay patungo sana sa Masbate City galing sa lalawigan ng Cebu.
Ayon kay Lt. Commander Ariel Leonida, agad silang rumesponde matapos na makumpirma ang nasabing insidente.
Nabatid na libu-libong sako ng semento ang laman ng nasabing cargo vessel nang siyasatin matapos itong madala sa mababaw na bahagi ng dagat.
Ayon pa kay Leonida na posibleng dahil sa sobrang bigat ng karga ang dahilan ng nasabing pagsadsad ng barko.
Patuloy naman ang ginagawang imbestigasyon upang mabatid ang dahilan ng insidente.
No comments:
Post a Comment