Dagdag benepisyo sa mga sundalo pangako ni P'Noy

Taliba, Wednesday, January 5, 2011

Muling nangako ngayon ang Pangulong Benigno "Noynoy" Aquino III na makakaasa ang mga sundalo ng karagdagang benepisyo maliban sa dinobleng combat pay.

Magugunitang simula ngayong Enero, mula sa dating P240, magiging P500 na ang kada araw na combat pay ng mga sundalong napapasabak sa operasyon.

Ginawa ng Pangulo ang talumpati kasabay ng turnover ceremony ng Philippine Navy leadership kung saan pormal nang umupo si Rear Adm. Alexander Pama bilang bagong Flag Officer in Command (FOIC) kapalit ng nagretirong si Rear Adm. Danilo Cortez.

Sinabi ng Pangulo na alam nitong kakarampot lamang ang naibigay na dagdag combat pay kaya patuloy sila sa paghahanap ng pondo para sa kanilang benepisyo.

Kabilang dito ang mga benepisyong pangkalusugan, pabahay at iba pang pangangailangan para mapataas ang morale ng mga sundalo.

Kasabay nito, todo-papuri naman ang Pangulo kay Cortez habang ipinaabot din nito ang pagtitiwala kay Pama na pamunuan ang Philippine Navy.

Nangako rin ito ng buong suporta sa bagong liderato ng Hukbong Pandagat.

"Pero kung may paraan naman po tayong dagdagan ang inyong benepisyo, bakit naman po namin ito ipagdadamot sa inyo, hindi po ba? At tuloy-tuloy na po ito. Mula sa armas, hanggang sa mga barko; mula sa mga benepisyong pangkalusugan, hanggang sa mga pabahay, titiyakin nating makakatanggap ng sapat na pabuya at sustento ang ating hukbong-dagat," ani Aquino.

Bagong navy chief, pormal nang nanungkulan

Saksi sa Balita, Wednesday, January 5, 2011

Pormal nang nanungkulan bilang bagong commander ng Philippine Navy si Rear Admiral Alexander Pama.

Pinalitan ni Pama ang nagretiro nang si Rear Admiral Danilo Cortez.

Si Pama ay miyembro ng Philippine Military Academy (PMA) Class '79.

Ginanap ang turnover of command sa Phil. Navy headquarters sa Maynila na dinaluhan ni Pangulong Benigno "Noynoy" Aquino III.

Bago maging pinuno ng Navy, nagsilbi si Pama bilang vice commander ng Hukbong Pandagat at naging Naval Inspector General.

Naging kumander din ito ng Naval Forces sa Western Mindanao at ng Anti-Terrorism Task Group ng Philippine Navy.

Dati itong chief of staff ni dating Defense Sec. Gilbert Teodoro.

Samantala, kasabay naman ng kaniyang pagretiro ay ginawaran si Cortez ng Philippine Legion of Honor na may degree na commander.

Samantala, kasabay ng change of command ceremony, tiniyak ni Pangulong Aquino na susuportahan ang modernization program ng Phil. Navy.

Malaki aniya ang ginagampanang papel ng Hukbong Pandagat partikular sa pagbibigay proteksyon sa karagatan ng bansa partikular kung saan may mga oil exploration kagaya ng Kalayaan Group at Malampaya.

By Willy Perez

The Philippine Star, Wednesday, January 5, 2011

President Aquino looks on as incoming Navy chief Rear Adm. Alexander Pama (right) salutes his predecessor, Rear Adm. Danilo Cortez, during the formal turnover of command at the Philippine Navy headquarters in Manila yesterday.

Change of Command

The Manila Times, Wednesday, January 5, 2011

Retiring Rear Admiral Danilo Cortez (left), President Benigno Aquino 3rd and newly installed Philippine Navy chief Rear Admiral Alexander Pama salute one another during turnover ceremony at Navy headquarters on Roxas Boulevard in Manila on Tuesday.